საქართველოს საფონდო ბირჟის მიმოხილვა

image

საქართველოს საფონდო ბირჟაზე ერთადერთი აქტივობა ე.წ "ფიქსინგის" დროს დაფიქსირდა, სადაც შპს "საქართველოს სალიზინგო კომპანიის" 10 ობლიგაცია გასხვისდა, გარიგების ჯამური ღირებულება კი, 10,214 დოლარი იყო.

Galt and Taggart-ის მონაცემებით, ლონდონის საფონდო ბირჟაზე სადაც 4 ქართული კომპანიაა განთავსებული, ბოლო 1 კვირაში “საქართველოს ბანკის” 259,000-ზე მეტი აქცია გასხვისდა 4 მილიონ ფუნტ სტერლინგად, Georgia Capital-ის 83 000 აქციაზე დაიდო გარიგება, „საქართველოს ჯანდაცვის ჯგუფის“ 25 000- ზე მეტი აქცია გაიყიდა 60,000 ფუნტად, "თიბისი ბანკის" გასხვისებული ფასიანი ქაღალდების რაოდენობა 85 000-ს შეადგენს, გარიგების ღირებულება კი - 1 მილიონ 234 ათას ფუნტს.

4 კომპანიიდან ბოლო 1 თვის განმავლობაში, მხოლოდ „თიბისი ბანკის“ ფასიანი ქაღალდების ფასი შემცირდა 5პროცენტი-ით და თითოეული მათგანი ამჟამად 14 ფუნტი ღირს, მისი საბაზრო კაპიტალიზაცია 784 მილიონი ფუნტია. 776 მლნ ფუნტადაა შეფასებული "საქართველოს ბანკი", Georgia Capital  - 415 მილიონად, საქართველოს ჯანდაცვის ჯგუფი კი -  306 მილიონად.

საქართველოს საფონდო ბირჟის ინდექსი GSX ამჟამად 139 პუნქტს შეადგენს; მან გასული კვირის შემდეგ ერთი ერთეულით მოიმატა.

გამოქვეყნდა საბაზრო კაპიტალიზაციის ახალი მონაცემები, ის 22 მილიონითაა შემცირებული და ამჟამად 1 მილიარდ 941 მილიონი ლარია.

ავტორი: ლევან თაღიაშვილი

მომწოდებელი: www.bm.ge

დატოვე კომენტარი